Thursday, December 11, 2014

Хөгжүүн сэтгэл дотоодод ялимгүй ихэсвэл
Хөдөлгөөн төрх нь гаднаа илт өөрчлөгдөнө
Хөөрсөн уур усны дусал агаарт илүүдвэл
Хурсан үүл хавиралдаж луун дуу гарах мэт/211/
Янз бүрийн эрдэмтэй хүн ховор
Ямар ч эрдэмгүй хүн бас цөөхөн
Ямагт эрдэм, гэм хоёр холилдох тул
Ялгаж эрдмийг авсан мэргэдийг шүт/212/
Эхэндээ дайсагнагч сүүлдээ нөхөр болох
Энхрийлэн янаглагч эцэстээ дайсан болох
Эс шингэсэн идээ ундаа эцэстээ хор болох
Элдэв хорт зүйл ч бас эм болохыг мэдэгтүн/213/
Аливаа улс гүрэн эвтэй бол хөгжнө
Ажил үйлс маргаантай бол доройтно
Айл хотонд хорьж тэжээгээд тогтоогүй
Ангир галууг нуураас хөөсөн ч эргэлдэнэ/214/
Заяа сайт хүн хөлс төлж сурна
Залхуу хүн үнэгүй заавч хаяна
Заслаар өвчнөөс салахыг хүсдэг ч
Зарим нь үхэхийг оролдох мэт/215/
Өөрийн эрхээр бүгд жаргалан
Өрөөлийн эрхэнд бүгд зовлон
Өмч нийтийнх бол тэмцэх шалтгаан
Өчиж тангараглавал уягдах шалтгаан/216/
Сайн эрдмийг бүрэн төгс эзэмшсэн ч
Сахилга журамгүй бол бүгд басамжилна
Сарьсан багваахай ухаанаар түрүүлсэн ч
Сахал үсгүй гээд шувууд голсон үлгэр мэт/217/
Бодлого зорилгогүй байж хэт шударга бол
Бусдыг хорлож, өөрөө ч бас хохирох гэмтэй
Бай оногч шулуун сумыг хүмүүс шилж аван
Байн байн харвасаар удалгүй хугалах мэт/218/
Олон мөрөн далайд цутгана
Оюун билиг мэргэдэд заяана
Орчны чийг ургамалд хурна
Орлого ашиг төрд цуглана/219/
Үер борооны ус, өвсний гал
Үүлэн чөлөөний сарны гэрэл
Үйлсгүй хань нөхдийн тус бүгд
Үнэхээр хэрэгтэй үед алга болно/220/
Илт тэнэгийн яриа цөөн нь сайн
Ихэс дээдсийн явдал далд нь сайн
Ид шидийн үзэгдэл ховор нь сайн
Их чухал зүйлс үнэ цэнэтэй нь сайн/221/
Хэтэрхий ихээр хайрлаж тойлбол
Хэзээ хойно нь хонзогнох шалтгаг
Хэрүүл тэмцлийн дийлэнх шалтгаан
Хамаатан төрлөөс л үүсдэг бус уу?/222/
Эсэргүүцэлдэн маргалдагч хүмүүс
Эцэстээ нөхцөөд амраг болох ч бий
Эвдрэлцэн тэмцэлдэгч олон хүмүүс
Эвлэрэл зохицлыг олсон нь элбэг/223/
Адайр харамчийн эд хөрөнгө
Атаархан хорсогч найз нөхөд
Алсуур хорлогчийн арга ухаан
Аль алин нь хэзээ ч хэрэггүй/224/
Шунал ихт хөрөнгөнд баярлана
Шазруун хүн магтаалд баярлана
Шал тэнэгүүд егөөдөлд баярлана
Шударга хүмүүс үнэнд баярлана/225/
Будилуу хүний сурсан эрдэм
Буурай доройн мөхөс ухаан
Буруу үзэлт ноёны шийдвэр
Бусдад тус болох нь ховор/226/
Мөнгөтэй баяныг аялдан дагаж
Мөнгөгүй шударгын үгийг тоохгүй
Мөрөөдлийн Малая уулных л гэвэл
Мөн, биш нь хамаагүй дурлагчид бий/227/
Олон дэмий яриа гэмд унах шалтгаан
Оновчтой үг хэргээс мултрах шалтгаан
Орилон дуурайгч тоть торонд сууж
Огт ярьдаггүй шувууд чөлөөтэй ниснэ/228/
Дайсагнагч хүнийг уучилж
Дахин давтан тус хүргэвэл
Дараа түүний сэтгэл эргэж
Дагуул нөхөр болох ёс бий/229/.
Хүч дорой бол уурлаад нэмэргүй
Хүч чадалтай хүмүүст уур хэрэггүй
Хэрэг зорилго бүтэхэд уур туслахгүй
Хилэн уур нь бие зовоох хорлонтой/230/
Хөрөнгө мөнгөнд дайсан ч зөөлрөнө
Хөлсгүй зүтгүүлбэл ах дүү ч холдоно
Хусран үнээний дэлэнг хөхсөн тугал
Хойш чангааж өөр тийш зүтгэх мэт/231/
Хичнээн их эрдэм мэдлэгтэй мэргэд ч
Хэрэг явдал бүхнийг төгс мэдэх аргагүй
Хээрийн галуу уснаас сүү ялгадаг гэдэг ч
Хөрөг дүрсийг хоол хэмээн андуурах мэт/232/
Үргэлж хайрлан тэтгэгч ноёдод
Үнэнч сайн нөхөд хялбар олдоно
Үзэсгэлэнт сайхан нуурнаас галууг
Үргээж хөөсөн ч дахин цуглах мэт/233/

Эдээр баян хүнд зөв хэрэглээ
Эрдэм сурагчдад даруу зан
Эрхэм дээдэст энэрэл хайр
Энэ гурав хэн бүхэнд тустай/234/
Бадралт наран өөрөө мандах мэт
Буянтай хүний үйлс аяндаа бүтнэ
Бадамлах зул тосонд шүтэх мэт
Бусад хүний ажил зүтгэлээр бүтнэ/235/
Мэргэд дээдсийг түшсэн хүн
Мэдэлгүй ч ихэс мэт харагдана
Модны голыг ороож ургасан
Мөлхөө ургамал оройд нь үзэгдэнэ/236/
Шинжлэгч мэргэдэд гэм байвч
Шимтэн суралцагчдад хамаагүй
Шиврээ бороо сууцанд халтай ч
Шинэ ургацын тарианд ашигтай/237/
Хувцас, зүс сайтай ч эрдэмгүй бол
Хурц ухаантныг баясгаж чадахгүй
Хурдан жороо биш бол сайн морь ч
Худалдаж борлуулахад үнэ хүрэхгүй/238/
Эдээр баян нь тэнэгүүдийн дунд олон
Эрэлхэг хүчтэн нь араатны дотор олон
Эрхэм дээд номын ухаанд мэргэшсэн
Эрдэмтэн мэргэд ертөнцөд тун цөөхөн/239/
Илүү байгаа бүхнээрээ хүн алдаршна
Их мэргэд сурсан эрдмээрээ алдаршна
Их хүчтэн бяр чадлаараа алдаршна
Иймд илэрхий давуу юм бүхэн эрдэм/240/
ҮРГЭЛЖЛЭЛ БИЙ ...
“САЙН НОМЛОЛТ ЭРДЭНИЙН САН СУБАШИД”
Төвд хэлнээс хөрвүүлсэн Ж.Дорж

Нүдний харааг хэрхэн сайжруулах вэ?

2014 оны 08-р сар 02-нд 12:27 цагт

Статистик судалгаанаас үзвэл өнөөдөр дэлхийн гурван хүн тутмын нэгнийх нь хараа муу байдаг аж. Энд компьютерийн үүрэг нэлээд байгаа Иймд нүдийг хамгаалах, хараа муудахаас сэргийлдэг, хараа тогтоодог комплекс дасгалуудыг байнга хийж сурах нь хамгийн ухаалаг шийдэл болно. Дасгалуудыг өдөрт хоёроос цөөнгүй удаа хийнэ. Хослуулж хийвэл бүр ч сайн. Нэг комплексийг хийхэд ердөө 5 минут л хангалттай. Тавхан минут дасгал хийх цаг завгүй хүн гэж залхуу хүнийг л хэлэх байх. Өдөр цайныхаа цагаар, орой ажил тараад хийгээд байхад л хангалттай

Нэгдүгээр комплекс. Хараа сайжруулах цогц дасгалууд

/Нэг дасгалыг 6-аас доошгүй удаа давтана./

Нүдийг баруун зүүн тийш хөдөлгөнө.

Нүдийг дээш доош нь хөдөлгөнө.

Нүдээ нар зөв болон нар буруу эргэлдүүлнэ.

Нүдээ хурдан, эрчимтэй анивчина.

Зүүн доод булан руугаа хараад шууд дээшээ эгцлэн харна. Дараа нь нөгөө талдаа давтана.

Нүдээ хооронд нь ойртуулна.

Ойр ойрхон анивчих.

Оффисынхоо цонхонд дөхөж очоод эхлээд цонхон дээрх жижиг зураас эсвэлойр байгаа зүйлийг ширтээд дараа нь харцаа алсад байгаа байр, уул г.м. зүйлс рүү шилжүүлнэ.

Хоёрдугаар комплекс. Холын хараа муудахаас сэргийлэх цогц дасгал

Сандлын түшлэгийг налан хойшлохдоо амьсгаа аваад дараа нь урагш тонгойхдоо амьсгаагаа гаргана.

Сандлынхаа түшлэгийг налаад нүдээ чанга аниад дараа нь нээнэ.

Гараа ташаандаа аваад толгойгоо баруун тийш эргүүлээд баруун тохойгоо харна. Дараа нь зүүн талдаа давтана.

Дээш хараад нүдээ нар зөв болон буруу эргэлдүүлнэ.

Гараа урагш сунгаад хурууныхаа үзүүрийг ширтэнэ. Гараа дээш өргөхдөө амьсгаа аваад толгойгоо өргөлгүйгээр хурууны хөдөлгөөнийг дагуулан харна. Гараа буулгахдаа амьсгаагаа гаргана.

Энэ цогц дасгалыг компьютерийн ард 40-50 минут ажилласны дараа тогтмол хийж байх нь сайн. Дасгалыг хийх хугацаа 3-5 минут.

http://mongolcom.mn/read/11861

Save yourself from the dreaded holiday shopping this year, by DIYing the perfect gifts for every family member and friend! After taking a look at what gifts everyone's wishing for this year, we rounded up some of our favorite holiday gift DIY's. Save your cash, and spend some time crafting for the holidays!

1. For that special someone